Friday, August 15, 2014

كورسات تعليم جميع برامج الجرافيكس (بالعربي) :D


نفسك تتعلم فوتوشوب؟ :D
طب حابب الIllustrator ؟
طب بالنسبة للـ coreldraw ؟
قولتلى كورس ال3D max بكام دلوقتى؟ ألفين جنية!!
والafter effects ؟ :D بأربعة!! :D
طب صلى على النبى بقى كدة .. و ارجع بضهرك لورا :D

معانا النهاردة كورسات كاملة لتعليم
 Photoshop - Illustrator - CorelDraw - AfterEffects - 3dmax - 3D Studio Max 7
لا ومش بس كدة .. دة الفوتوشوب لوحدة أكتر من اصدار كمان ^_^
فنبدأ بقى ونقول بسم الله :D :D

أولاً الفوتوشوب: :D
- تعليم فوتوشوب Photoshop CS
http://is.gd/6wwoDh
- تعليم فوتوشوب Photoshop CS3
http://is.gd/CbOuPF
- تعليم فوتوشوب Photoshop CS4
http://is.gd/Wjmra3
- تعليم تطبيقات فوتوشوب Photoshop 7.0 Applications
http://is.gd/790M17

ندخل على الillustrator: :D
- تعليم اليستريتور Illustrator CS4
http://is.gd/wISUPn

وندخل على الcorelDraw: :D
- تعليم كورال درو CorelDRAW X3
http://is.gd/2ojftq

والمفاجأة .. كورس ال3D Max
- تعليم ثري دي ماكس 3D Studio Max 7
http://is.gd/RteKig
- تعليم ثري دي ماكس 3Ds Max 2009
http://is.gd/2nFvii

ونختم بأفضل برنامج لتصميم الفيديوهات .. AfterEffects :D :D :D
-تعليم افتر افكت After Effects CS3
http://is.gd/0ClRDY

- هوة أنا قولت إن الكورسات دي كلها بالعربي!! :D :D
- مقولتش!!!
-طيب ^_^ ^_^

ربنا يوفقكوا و يعينكوا يارب :D

#شير_لصاحبك_الديزاينر
#واللى_مش_ديزاينر
#ببلاش_يابا :D

اللي محتاج يرجع للبوست دة بعدين، هتلاقيه هنا على البلوج إن شاء الله ^_^
awaelsaber.blogspot.com

Tuesday, August 12, 2014

إزاي أعرف شغفي؟! -4-

الحلقة الرابعة من سلسلة " إزاى اعرف شغفي؟!" 

من بعد الحلقة اللى فاتت و قصدت -عمداً- انى أستنى فترة كبيرة نسبياً قبل ما انزل الحلقة الرابعة .. و بالفعل من بعدها جت رسايل كتير بتسأل فى موضوع الشغف، و الرد كان .. انت وصلت لفين؟ :D

لأن واحدة من المشاكل اللى غالباً كلنا بنقع فيها، إنك عايز كل حاجة تبقى متاحة ليك وبعدها تبدأ تتحرك .. وفى الغالب مش بتتحرك .. لأن ببساطة انت خلاص اتطمنت !! :D :D
الإطمئنان إحساس ميساعدكش انك تفكر و تتعب و تبدع فى الوصول لطريقك .. الإطمئنان أكثر مدعاه انك تستريح و ... "تطمن" .. ماهو اصل كل حاجة تحت ايدك يوم ما تحتاجها هتلاقيها و الدنيا ماشية تمام، هتتعب نفسك لية؟!!
الإطمئنان شعور غير صحى بالمرة. :D

بس خليني أقول إن كان فيه سؤال بيتكرر كتير جداً فى الرسايل .. و هو دة موضوع كلامنا النهاردة ... السؤال هوة:

أعمل اية لو أنا عندى مهارات كتير، و قادر أشتغل فى أكتر من مجال وأحبه؟!!!
والرد على السؤال دة هيوضحلنا نقطة جديدة و trick جديدة فى الوصول لشغفك .. فلو عندك نفس المشكلة، ركز أوى فى الكام سطر الجايين دول .. :D

- التفكير فى الشغف بيبقى بطريقتين .. الأولى: من الحاضر للمستقبل .. و الثانية: من المستقبل للحاضر .. يعنى ممكن نسمى واحدة forward و التانية backward 

- عشان أفكر من الحاضر للمستقبل فأنا ببدأ أفكر: أنا بحب ايه حالياً؟ .. أنا شاطر فى اية؟ باختصار: مجموعة الأسئلة الثانية فى الحلقة اللى فاتت. (شوفها لو مش فاكر) :D

- أول مشكلة بتقابلك إنك (رغم قدراتك الحالية) مش حاسس انك ممكن تعمل حاجة أصلاً .. و دة صحيح تماماً .. لأنك ساعتها مش بتبقى حاطط فى حسابك القدرات و المعرفة والمهارات اللى هتكتسبها وانت فى طريقك.
ولذلك مشكلة التفكير دة انك بتبقى مشتت .. والسؤال الأقوى اللى بيبقى فى ذهنك .. أبدأ منين؟! :/
ولذلك برضه، الأصح انك تفكر بالتفكير التانى (backward) أولاً 

- التفكير الثانى إنك تبدأ تفكر: أنا نفسى بعد عشرين سنة أكون عملت اية؟ نفسى بعد ما أموت أكون قدمت اية للدنيا؟ باختصار: مجموعة الأسئلة الثالثة فى الحلقة اللى فاتت :D

- وأفضل طريقة عشان توصل لنتيجة صح وأدق .. إنك تفكر التفكير الثانى أولاً ثم بعد كدة الأول .. يعنى تبدأ من المستقبل و على أساسه تبدأ تفكر طيب دلوقتى بقى .. إية من قدراتى دلوقتى يوصلنى للى انا عايزة ؟ .. وممكن أبدأ بإية يحققلى هدفى فى النهاية؟
دة غير انه بيبقى مؤشر كبير لإنت فعلاً حابب اية؟ :D :D 

- طيب بالنسبة للحاجات الكتير اللى بعرف أعملها؟ ... لو فكرت هتلاقى ان كل حاجة بتعرف تعملها، فى الأصل هيا مجموعة من المواهب والمهارات اللى ممكن تكون مخلوق بيها أو اتطورت مع الزمن .. إذن الحل انك تفصص كل حاجة بتعرف تعملها لمجموعة من المهارات الأساسية .. خلينا ناخد مثال أوضح:

لو أنا فى ثانوى .. ولقيت نفسى بعرف أحلل و دماغى تحليلية .. هبقى غالباً شاطر فى الرياضة والفيزياء و حسابات الكيمياء .... ولكنى حتى الآن مثلاً خبراتى لا تتضمن مجال ال(محاسبة) .. لأنى ببساطة لسة مسمعتش بيه :D
وكذلك الحال بالنسبة لبعد كدة .. اعرف انت شاطر (إزاى) مش انت شاطر (فى اية) .. لأن مستوى معرفتك دلوقتى هتيختلف تماماً عن مستوى معرفتك بعدين .. ودة اللى هيضمنلك انك تفضل فى تطور مستمر فى حياتك.

لأن عشان تشوف مساحة أكبر من طريقك .... لازم تقوم من على الكرسى وتبدأ تمشى. :D

بالتوفيق ياشباب ^_^

اللى عايز يسأل على اى حاجة .. دة أكونت الفيسبوك . :D :D
https://www.facebook.com/AhmedWaelSaber