Wednesday, June 25, 2014

إزاى أعرف شغفي؟ -3-

الحلقة الثالثة من سلسلة " إزاى أعرف شغفى؟" :D :D
تحذير/ الحلقة تقيلة جداً :D :D

الحلقة السابقة عملنا إختبار الشخصية، وزى ما اتفقنا ان كل وظيفتة هو تفتيح عينيك على نقاط قوة وضعف فيك و إرشادك لأقرب طريقة بتفكر بيها. (ودة ملوش علاقة بإنت بتحب إية هو فقط بيديك إرشاد لطريقة تفكيرك وصفاتك عشان تبدأ تستغلها)

اللى مشافش الحلقتين الأولى والثانية هيلاقيهم هنا:
الأولى: https://www.facebook.com/photo.php?v=10152180708290098&permPage=1
الثانية: https://www.facebook.com/AhmedWaelSaber/posts/10152193859840098

النهاردة هنبدأ أول خطواط فعلية فى البحث عن الPassion .. و لازم أقول ان العملية دى بتشغل تفكيرك 24 ساعة فى اليوم .. يعنى بمعنى أصح: العائق الأكبر فيها فو الإستعجال.

دلوقتى ابدأ إسأل نفسك مجموعة الأسئلة دى .. كل سؤال ياخد منك تفكير من 5 الى 15 دقيقة تفكير قبل الإنتقال للى بعده.
الأسئلة مقسمة لثلاثة أقسام رئيسية:
الأول:
1- هل أنا بحب مجال دراستى/عملي الحالي؟ .. أه / لأ
2- لو أه .. هل سبق لى البحث والقراءة فى هذا المجال لزيادة خبرتى (دون أن يطلب مني ذلك؟) و إذا كان نعم، فكم مرة .. وكم شهر؟
3- لماذا اخترت هذا المجال بالذات؟
4- هل باستمرارى فى هذا العمل (بعد عشر سنوات مثلاً) سأحقق ذاتى و أكون ما أريده فعلاً؟
5- هل أستطيع الإستمرار فى عملى/دراستى لمدة طويلة دون تذمر؟

الثانى:
1- ما اكثر مجال تحب القراءة/البحث عنه؟
2- إذا لم تكن تحب القراءة .. ما أكثر المجالات التى تتفاعل معها كلما صادفتك معلومات عنها؟
3- ما اكثر شئ يذكرك به أصدقائك؟ وهل يمكنك الإستفادة منه ليكون وظيفة؟
4- إذا كان المال لا يمثل مشكلة .. أى المجالات ستختار لتعمل به؟
5- وانت تقدم نفسك لأى إنسان، هل تنطق وظيفتك/دراستك بشئ من الفخر؟ و إذا كان لا .. ففى رأيك أى وظيفة فى رأيك تسمى وظيفة (رائععععة) ؟

الثالث:
1- باستمرارى فى مجال عملى ... ماذا سأقدم للعالم؟
2- بعد موتى .. بماذا سيتذكرنى الناس؟
3- ماالذى أريده من هذة الدنيا حقاً؟
4- إذا كان الأمر بيدي، ماذا كنت لأفعل حالاً . الآن؟
5- هل ربى راضٍ عنى الآن؟

عارف إن الأسئلة .. تقيلة ...."جداً جداً جداً"
ولكن إجابات جميع الاسئلة السابقة ستوضح لك الكثير من الأمور الغائبة/المغيبة فى ذهنك .. أحياناً كتير بنبقى مش عايزين أصلاً نفكر عشان منوصلش لحقايق مش عايزين نوصلها .. وفى نفس الوقت بنضحك على نفسنا ونقول مش عارفين نعمل إية.

مفيش وقت محدد للإجابة على الأسئلة دى .. فى الواقع الوقت الذى ستجيب فيه عنها سيكون أفضل الأوقات (لأن الله -عزوجل- سيكون هو من اختاره لك) طالما أنت تسعى.
إلى جانب أن بعضاً من الأسئلة دى ستلازمك إجابته طول حياتك. فاعقد العزم وتوكل :D

معلش عارف ان النهاردة الدنيا تقيلة بس بإذن الله كدة تقريباً وصلنا :D

#شير_فى_الخير
#قبل_ما_تشير_استفيد
#انت_مش_شوية

Saturday, June 21, 2014

إزاى أعرف شغفى -2-

الحلقة الثانية من سلسلة "إزاى أعرف شغفى؟" :D :D



اتفقنا فى الحلقة اللى فاتت إن لازم وانت بتفكر فى الpassion بتاعك، تفضى دماغك تماماً من كل العوائق اللى حاططها المجتمع على تفكيرك، زى الفلوس والشغل و هل مجالك دة لية مستقبل ولا لأ ... الخ.

لأن بكل بساطة دلوقتى مبقاش فيه أى مجال مفيهوش منافسة، ومنافسة شديدة كمان، فلو فكرت انك تدخل مجال معين عشان (تضمن) انك تلاقى شغل أو تلاقى فرصة، أحب أقولك انت كدة حطيت رجلك على اول الطريق لتقتل نفسك. :/
لأنك هتلاقى الناس اللى المجال دة هوة مجالهم فعلاً .. وهتكتئب لانك هتلاقيهم كل يوم بيتطوروا عنك وانت عشان بس تبقى زيهم محتاج تعمل جهد كبيير جداً.

ودى أروع حاجة فى الpassion .. إنك فى المجال اللى بتحبة هتلاقى نفسك بتشتغل فيه 16 ساعة فى اليوم من غير (زهق) .. ممكن تبقى تعبان وطلعان عينك .. بس مبسوط ومش قرفان من الشغل. :D
ومش بس كدة .. هتلاقى عندك الرفبة انك تعرف كل جديد فى المجال دة .. ودة هيخليك يوم عن يوم تطور من نفسك ويبقى ليك (قيمة) فى المجال دة :D :D

طيب نرجع نسأل بقى .. إزاى أبدأ أفكر فى شغفى؟
الطرق اللى هتكلم فيها دى.. أفضل طريقة لتطبيقها هى بالتوازى، يعنى كلهم مع بعض.

أول حاجة هتعملها .. هتبدأ تتعرف على نفسك أكتر .. هتدخل على الرابط دة هتلاقى  personality test .. اختبار الشخصية دة ميزته انه يلفت انتباهك لحاجات ممكن متكونش واخد بالك منها فى نفسك.. لأنه بيعرضلك نتائج بشكل مفصل ورااائع فعلاً .. وميزته كمان انه بالعربى. أاادى الرابط :D :D
http://drsherif.net/test/

ولكن عايز أأكد على نقطتين مهمتين جداً عشان بلاقيها بشكل كبيير جداً خصوصاً عند شباب الجامعات ..
متستعجلش .. ومتيأسش :D

مفيش حاجة اسمها أصلى اتأخرت ولا أصل فلان سبقنى .. الوقت اللى هتوصل فيه لشغفك هوة الوقت اللى ربنا سبحانه وتعالى قدرلك فيه انك توصل .. وهو دايماً الوقت المناسب .. لا قبله ولا بعدة .. عليك فقط إنك... تثابر :D

أسف على الإطالة النهاردة .. ياريت على الثلاثاء القادام الناس تكون عملت الtest
:D :D
اللى مشافش الحلقة الأولى يشوفها من هنا
https://www.facebook.com/photo.php?v=10152180708290098

بالتوفيق يا شباب .. اللى عايز يسأل على اى حاجة أنا تحت أمره :D